Juventus ka lëshuar një deklaratë që konfirmon se Massimiliano Allegri nuk do të jetë trajner i tyre për sezonin 2019-20.
Një konferencë e përbashkët për shtyp do të mbahet nesër, përpara ndeshjes së fundit të sezonit në shtëpi me Atalantën.
Ai e kishte kontratën deri më 30 qershor 2020, por palët kanë rënë dakord që ta ndërpresin që tani.
“Massimiliano Allegri nuk do të ulet në stolin e Juventusit në sezonin 2019/20,” thuhet në deklaratën e publikuar në faqen e internetit të klubit.
“Trajneri dhe presidenti Andrea Agnelli do të takohen së bashku me mediat në një konferencë për shtyp që do të mbahet nesër, të shtunën 18 maj, në orën 14.00 lokale në stadiumin Allianz”.
Allegri ishte me Bianconerët për pesë sezone, duke fituar pesë tituj të njëpasnjëshëm Serie A dhe duke arritur dy herë në finale e Ligës së Kampionëve.
Kishte disa takime gjatë ditëve të fundit për të planifikuar të ardhmen, por duket se idetë e Allegrit nuk përputheshin me ato të bordit. /Ariglon Pali/Boldnews.al/
