Një ndër menaxherët e VIP-ave më të njohur në Kosovë u plagos me dy plumba në lagjen Dardania në Prishtinë pasditen e sotme.
Bëhet fjalë për Mehmet Elshani, me origjinë nga Suhareka, i cili njihet ndryshe edhe si Meti. Ai menaxhon një numër të madh këngëtarësh, të cilët janë pjesë e labelit On-Records, është edhe pronar i njërit prej televizioneve muzikore “ON TV” dhe i “Security Panther”.
Meti është aktualisht menaxher i reperit Feronit Shala i njohur ndryshe si Shala. Ai ka qenë menaxher edhe i këngëtares Kida (Orhidea Latifi) dhe reperëve vëllezër Mozzik (Gramoz Aliu) dhe Getinjo, të cilët tashmë e kanë prishur kontratën me këtë kompani.
Me dy reperët, Meti ka patur edhe një konflikt verbal që është zhvilluar mes kunjave në rrjetet sociale.
Madje pas arrestimit të Loredana Zefit, për vjedhje të 900 mijë frangave nga çifti zviceran, ish-menaxheri i reperit Mozzik, reagoi me një status në rrjetet sociale.
“Ju thojsha, s’më besojshit që kta njerëz marre janë, hor ta bojn ni komb”-shkruante Met Elshani në profilin e tij në InstaStory.
