Skënderbeu luan këtë javë në transfertë ndaj Kukësit dhe për korçarët nuk do të jetë aspak e lehtë, pas dy humbjeve të para ndaj verilindorëve në Kupë. Në prag të këtij takimi, trajneri Orges Shehi u shpreh për “Supersport” se është mundësia e fundit për të shpresuar për një vend në Europë dhe në rast se nuk fitohet, atëherë nuk duhet menduar më Europa.
“Europa? Duhet të fitojmë për të parë si dalin kundërshtarët. Është mundësia jonë e fundit dhe duhet të marrim maksimumin ndaj një kundërshtari me shumë elementë brenda.
Gjykimi në ndeshjen ndaj Teutës? Pas ndeshjes nuk dhashë intervistë pasi nuk ia vlen të merresh me gjykimin. Është ndeshje e kaluar dhe u mundëm me dy herë që erdhën në portë. Lojtari më i mirë ishte portieri kundërshtar që do të thotë se dominuam dhe na vjen keq.
Nuk është vetëm kjo ndeshje pasi shkojmë te porta por në fund shpërdorojmë. Nuk fitohet po nuk fituam. Na vjen keq sepse po punohet dhe djemtë janë rigoroz dhe shkojmë shumë te porta.
Është ndeshje e vështirë dhe po nuk morëm maksimumin nga kjo ndeshje, gjithçka bëhet shumë e vështirë”, tha Shehi.
