“Stafi tallava i Etilda Gjonaj”, denoncimi nga brenda Ministrisë së Drejtësisë

Etilda Gjonaj, ministre e Drejtësisë dhe “fytyra antikorrupsion” e qeverisë së Edi Ramës, duket se ka krijuar një staf “klientelist” brenda institucionit që ajo drejton. Ish-bashkëpunëtorë apo miq të bashkëshortit të saj, Irvelin Gjonaj kanë zënë poste kyçe në Ministrinë e Drejtësisë.

Një denoncim “anonim” i mbërritur në redaksinë e “Boldnews.al” i bën një radiografi disa prej njerëzve më të afërt të Etilda Gjonajt, të cilët përbëjnë bërthamën vendimmarrëse në kupolën e Drejtësisë.

Sipas “denoncimit”, Ministria e Drejtësisë nuk ka Drejtor Auditi, Drejtor Kabineti e Sekretar të Përgjithshëm. Por, këto vakanca nuk e kanë penguar ministren Gjonaj që t’i plotësojë me “miq, mikesha e bashkëpunëtorë” të saj dhe bashkëshortit të saj.

Më poshtë po Ju përcjellim “faktet” e denoncuara në adresën e “Boldnews.al”:

Gentian Deva, këshilltar i Ministres, është shkarkuar nga Banka e Shqipërisë për shkelje në detyrë. Ai, sipas denoncimit, është emëruar në Ministrinë e Drejtësisë për shkak të raporteve “klienteliste” me Irvelin Gjonaj.

Denoncuesi shkruan më tej se, megjithëse këshilltar, Gentian Deva ushtron edhe funksionin e Sekretarit të Përgjithshem dhe mbulon çdo tender të ministrisë. Materiali i përcjellë në redaksinë e “Boldnews.al” jep informacione edhe për një situatë të mundshme konflikti interesash në tenderat e zhvilluar nga Ministria e Drejtësisë, e cila po verifikohet nga redaksia.

LEXO EDHE  Kapet kokainë dhe heroinë, kush janë të arrestuarit (VIDEO)

Më tej, lista e emrave të “denoncuar” vijon me këshilltarin tjetër të ministres Gjonaj, Edvin Kukunja.

Sipas denoncimit, e vetmja eksperiencë e tij profesionale ka qenë menaxher në një supermarket të falimentuar dhe të vendosur nën sekuestro nga shteti. Kukunja është emëruar këshilltar i ministres “me bekimin e Irvelin Gjonaj”. Ndërsa bashkëshortja e Kukunjës, Klesta Shehi, “emërohet pa asnjë kriter si përmbaruese në zyrën shtetërore të Tiranës, në konflikt të hapur interesi dhe me dokumenta të fallsifikuar”, thotë denoncuesi.

Besmir Beja, është një tjetër këshilltar i Etilda Gjonaj, i cili sipas materialit denoncues “nuk ka asnjë eksperience shtetërore, por është në atë pozicion për shkak të njohjes së hershme me ministres në kohën kur punonte në institutin ‘Lex Ferenda’.

Avjerina Abazaj, “këshilltare, pa asnjë eksperiencë, mbulon ‘punët’ e ministres në Hipoteka’”, vijon denoncuesi anonim.

Gentjan Thoma, këshilltar, ish-inspektor tatimesh që ka punuar me bashkëshortin e ministres, Irvelin Gjonaj.

Jonida Gaba kryen funksionin e Drejtoreshës së Kabinetit, “vajza e ish-gjyqtares së Apelit të Vlorës, Gjenovefa Gaba e njohur per bemat korrupsion”, thotë denoncuesi. Sipas denoncimit, Jonida Gaba e ndan kohën e saj ndërmjet Italisë dhe Shqipërisë./BN