Një shqiptar, identiteti i të cilit nuk bëhet i ditur është vënë në pranga pasi drejtonte një kamion të vjedhur, i cili ishte i ngarkuar me mallra të vjedhura gjithashtu.
Ngjarja ka ndodhur një natë më parë në autostradën A67 në Veldhoven, Holandë.
Mediat holandeze shkruajnë se policët kur pikasën një kamion me targa të huaja i bënë shenjë shoferit që të ndalonte. Por pasi shoferi shqiptar që tashmë është arrestuar nuk iu bind urdhrit, policia qëlloi me armë në ajër për paralajmërim.
Pas kamionit ishte edhe një tjetër automjet ku udhëtonin 5 persona dhe asnjëri nga mjetet nuk ndaloi.
Kamioni dhe vetura ndaluan disa kilometra më tutje dhe shqiptari së bashku me shoferin e mjetit si dhe 5 personat që udhëtonin me të braktisën makinat dhe u arratisën në kmëbë.
I vemti që u arrestua është shoferi identiteti i të cilit nuk bëhet i ditur. Pas verifikimeve, kamioni që drejtoi shqiptari rezultoi i vjedhur dhe brenda tij u gjetën celularë, sende elektronike dhe rroba të vjedhura.
Shqiptari po merret në pyetje kurse 6 të tjerët janë ende në kërkim. Grupi i tyre dyshohet se është pjesë e një bande grabitësish.
