Kryetarja e LSI, Monika Kryemadhi, në një intervistë për “Zërin e Amerikës”, ka folur për çështjen e refuzimit të vizave nga SHBA për zyrtarë të lartë të korruptuar në Shqipëri.
Kryemadhi tha se është gati që të bashkëpunojë me ambasadën e SHBA, për të zbuluar të gjithë të korruptuarit. Ajo u shpreh se është gati të largoj edhe figura nga LSI nëse ata janë të korruptuar.
“Nëse ka të korruptuar në LSI t’i largojmë. Prandaj ne kërkuam dhe Vettingun në politikë”, u shpreh ajo. Por gazetarja e “Zërit të Amerikës”, ngulmoi më tej duke përmendur dhe emra konkret, që sipas saj SHBA u ka refuzaur vizën.
Gazetarja: Një burim i joni thotë se Petrit Vasili, nënkryetarit të partisë suaj i është refuzuar viza për në SHBA?
Kryemadhi: Jo nuk mendoj se i është refuzuar viza, pasi ai ka qenë në SHBA vitin e kaluar. Megjithatë unë nuk e vë dorën në zjar as për fëmijët e mi, as për burrin tim. Zoti Vasili ka qenë një nga bashkëpunëtorët më të ngushtë me zotin Lu dhe nxitës për përfudnimin e Reformës në Drejtësi.
