Gjykata e Tiranës vendosi sot 5 masa detyrim paraqitjeje dhe dy arrest shtëpiak për 7 qytetarët e arrestuar nga policia në protestën e ditës së hënë.
Masa detyrim paraqitje është dhënë për: Arelin Ndoci, Beb Ndreka, Besmir Pula, Panajot Miraka dhe Albi Gerba. Ndërsa masa arrest shtëpie u dha për Dritan Kuka dhe Qazim Nazera.
Akuzat që rëndojnë ndaj tyre janë “Kundërshtim i policisë me dhunë”, “Shkatërrim prone” dhe “Prishje e qetësisë publike”.
Të arrestuarit thanë para gjykatës se gjatë arrestimit të tyre, ishte ushtruar dhunë mbi ta.
