Fotografi të tmerrshme: ja si i dhunonin kriminelët serbë gratë kosovare

Deputetja e PDK-së, Flora Brovina, sot ka paraqitur një fotografi, që, sipas saj, dëshmon dhunimin e një gruaje 35-vjeçare nga ushtarët serbë gjatë luftës në Kosovë.

Dhunimi, sipas saj, ka ndodhur në sy të familjes.

Në fotografitë e publikuara, shihet se dhunimin e kanë kryer në mënyrë mizore më shumë se tre serbë.

“Rasti në fjalë është një fotografi që është gjetur në aparatin e një ushtari serb që dëshmon aktin, mënyrën se si i kanë dhunuar gratë. Kjo është vetëm njëra nga mënyrat kur i kanë detyruar familjarët që ta shohin aktin e dhunës seksuale. Shumë raste kemi kur ato janë mbledhur shumë në numër dhe sistematikisht janë dhunuar nga ushtarët serbë”, tha ajo.

LEXO EDHE  “E përdhunuan në sy të vëllait”, gazetari tregon mes lotësh historinë e dhimbshme: Kam informacion se është vetëvrarë

Ajo nuk ka dhënë detaje se në cilin vend ka ndodhur ky rast pasi sipas saj duhet ruajtur privatësia. “Gruaja është 50-vjeçare kur ka ndodhur ka qenë 35-vjeçare. Tani është zgjuar vetëdijesimi institucional që për këto viktima të ngrihen aktakuza. Serbia është fajtorja”, tha ajo.