Fjalimi epik/ Gjuzi kthen parlamentin në estradë, i kujton Ballës kohën kur luanin futboll (Video)

Deputeti Kujtim Gjuzi, është shndërruar në personazhin e vitit në Shqipëri, falë bëmave dhe deklaratave të tij epike, të cilat tashmë janë kthyer në meme dhe barcaleta.

Në seancën plenare të ditës së sotme, gjatë fjalimit të tij, deputetë e pranishëm në seancë kanë shpërthyer në të qeshura.

Ditën e sotme Gjuzi ka replikuar me kreun e grupit parlamentar të Rilindjes, Taulant Balla, ku i ka kujtuar edhe që kanë luajtur futboll bashkë. Gjithashtu Gjuzi tha se mazhoranca duhet të krijojë hapësira edhe për opozitën.

Ja një pjesë e fjalimit të Gjuzit:

Ju falenderoj se dhatë votë për minierat dhe njerëzit tanë që kanë vuajtur, bravo shumë mirë, ka filluar që të reagojë PS-ja, por kryeministrin pse nuk e shoh akoma më sallë, është në udhëtim. Zoti Balla nuk është mirë të trysnojmë opozitën që ka dalë te bregu i Lanës. Më me kujdes herën tjetër. Zoti Balla nuk dua të them se njihemi bashkë prej kohësh kur kemi luajtur futboll bashkë. Pavarësisht se Fino kërkon të vendosë baste me Rucin, por Ruci i fiton se është nga Tepelena.

Nuk mundet të shkojmë në zgjedhje dhe PS të mos ketë në 25 qytete…Ka ndonjë hapësirë këtu juristë mendoj unë, edhe doktorë që mund ta vizitojnë kryetarja e komisionit të shëndetësisë për shembull që të mos sëmuremi të gjithë si ata të 17 të Durrësit që e lanë vendin vakant me dy vende këtu në Kuvend. Zoti Balla do të kërkoja që të realizojmë zgjedhjet, të krijojmë një hapësirë për opozitën që ka dalë atje, ti dalim borxhit, se dikush mund të jetë dehur se pi raki nga mëngjesi në mëngjesi dhe nuk ke cfarë ti kërkosh. Pastaj do të flasim për rrugën Shijak-Durrës skandaloze të thyhet edhe Land Rover, me vjen keq se nuk kemi ku ti gjejmë paratë se 10 mijë lekë mbajmë në xhep.

LEXO EDHE  Urdhri i fundit/ Vetëm kryeministri do udhëtojë me makinë, ministrat me autous