Kryeministri Edi Rama ka bërë një deklaratë të pazakonte në emisionin “Opinion” mbrëmjen e sotme, kur tha se nuk e ka zgjedhur ai kryeprokuroren e Përkohshme.
Teksa në studio diskutohej pse nuk ka arrestime apo shkarkime të zyrtarëve të përfshirë në shit-blerjen e votave, sipas përgjimeve të dosjes 339, Rama tha se s’mund të merren këto masa në bazë të disa përgjimeve.
Gjithashtu, ai i shpreh se lidhur me këto hetime duhen pyetur prokurorët.
Debati
Fevziu: Po ti e ke zgjedhur kryeprokuroren?
Rama: Nuk e kam zgjedhur unë prokuroren, janë gjëra që sajohen përsëriten dhe pastaj i merrni ju.
Fevziu: Fakti që do zgjidhej ka dalë para se të zgjidhej?
Rama: Ore jeni në vete ju…
Arta Marku u zgjodh Prokurore e Përgjithshme e Përkohshme me shumicë të thjeshtë me votat e deputetëve të PS (kryetari i të cilëve është Edi Rama) dhe për këtë fakt u kundërshtua nga opozita. Opozita e ka quajtur zgjedhjen e Markut kryeprokurore antikushtetuese, për faktin se u zgjodh me shumicë të thjeshtë dhe jo të cilësuar.
