Denoncimi/ Ja si gënjyen Rilindasit për Teatrin Kombëtar, shihni çfarë ndodh brenda godinës (Foto)

Një vit më parë Ministrja e Kulturës, dha urdhër për mbylljen e Teatrit Kombëtar, me justifikimin se godina ishte degraduar dhe rrezikonte shembjen.

Por mesa duket ky ka qenë një tjetër mashtrim i madh i Rilindasve, pasi prej disa ditësh një grup fëmijësh hyjnë dhe dalin brenda godinës së Teatrit Kombëtar dhe bëjnë aty prova çdo ditë.

Ka qenë faqja Aleanca për Mbrojtjen e Teatrit, e cila ka denoncuar me fakte dhe prova këtë mashtrim të Rilindasve.

Në postimin e saj Aleanca për Mbrojtjen e Teatrit, ka publikuar edhe FOTO-n, ku shihen fëmijët që hyjnë dhe dalin lirshëm nga godina e Teatrit Kombëtar.

Ja postimi i Aleancës për Mbrojtjen e Teatrit:

Gënjeshtrat e Qeverisë nuk kanë të sosur!

Prej disa ditësh, një trupë teatrale me fëmijë po kryen prova rregullisht në godinën e Teatrit Kombëtar.

Nuk është e qartë se me lejen e kujt ndodh ky veprim, kush i shoqëron fëmijët, dhe për çfarë qëllimi ndodhin këto prova, por ky veprim ka disa ditë që ndodh.

Ju rikujtojmë se para një viti, Ministria e Kulturës e mbylli Teatrin Kombëtar me justifikimin se godina ishte e degraduar dhe rrezikonte shembejn. Me sa duket, një vit më pas, pa asnjë investim, godina qenka e sigurtë deri sa lejohet të kryejnë fëmijët prova në të.

Pra, nëse godina e Teatrit Kombëtar qenka mbyllur një vit më parë me justifikimin se rrezikon të shembet, atëherë pse Ministria e Kulturës lejon fëmijët të futen brenda saj, duke rrezikuar seriozisht jetën e tyre? /Boldnews.al

LEXO EDHE  Flakë përfshijnë platacionet me ullinj, rrezikohen banesat