Këshilltarja e kryeministrit të Kosovës, Ramush Haradinaj, ka kritikuar kryeministrin Edi Rama, pas një interviste të dhënë për TV PINK, në Beograd, ku sqaronte deklaratën e tij rreth taksës , të bërë gjatë Samitit të Berlinit.
Meliza Haradinaj-Stublla, me anë të një postimi në rrjetet sociale, këshilltarja shprehet se.
“Kryeministri Rama paska zgjedhur një medium serb nga Beogradi TV PINK për të sqaruar deklaratat e tij rreth taksës dhe Kosovës, pas takimit të Berlinit.
Edhe në këtë intervistë, Rama nuk dështon së ritheksuari se taksa qenka klithmë politike që tash e sa kohë ka bllokuar dialogun me Serbinë, dhe e barazvlerëson veten me Kancelaren Merkel dhe Presidentin Macron – duke thënë që bashkë me ta në Berlin ka avokuar për pezullim të taksës…!”.
Sipas saj po kërkohet që nëpërmjet taksës së Serbisë të sulmohet kryeministri i Kosovës, Ramush Haradinaj.
“Analogjia që po tentohet – duke përdorë taksën si urë lidhëse për të sulmuar ata që korrën fitore epike kundër idesë së ndarjes/korrigjimit/shkëmbimit – është strategji e dështuar, në kohë të gabuar të historisë”, – shkruan Stublla.
Kryeministri Edi Rama Kryeministri Edi Rama ka dhënë një intervistë për median serbe “Pink Tv”, ku edhe ka folur për marrëdhëniet mes dy vendeve, integrimin në BE dhe prapaskenat e Samitit të Berlinit.
