VIDEO/ “Është shi, mos e lini Albanin vetëm. Nuk do shkoni te arbitrat”, ja fjalët e Gegës në dhoma para derbit

26 viteve pritje u erdhi fundi, dhe Partizani u shpall ditën e djeshme zyrtarisht, kampion i Shqipërisë në Kategorinë Superiore.

Atmosfera ishte fantastike mes skuadrës dhe tifozëve, ndërsa klubi i kuq, ka postuar edhe një video në rrjetet sociale, nga atmosfera që ka shoqëruar gjithë këtë takim.

alban hoxha

Pamjet e marra nga “Supersport”, tregojnë edhe disa momente pikante nga dhomat e zhveshjeve. Gega është ai i cili flet teksa jep udhëzimet e fundit për të besuarit e tij: “Atanda, duhet të jemi të përqendruar. Lum, një kundër një. Do i ndjekni çdo goditje drejt Albanit. Dëgjoni pak. Është shi, do e shoqërojmë topin. Labi, Trashi, Belica, do e gjëmojmë topin. Mos e lini Albanin vetëm. Kujdes sepse topi rrëshqet. Mos u merrni me arbitrin, me anësorin, me të katërtin, me të shtatin. Secili të shohë punën e vet. ASnjë te arbitri, e keni kapitenin. Ai do flasë kur të vijë momenti. Dakord çuna? Keni një vit që punoni, djersisni, sakrifikoni, keni ardhur me meritë. Luani për veten, për ekipin, për tifozët. Hajde me fitore”.

LEXO EDHE  Reja hedh sytë nga talentet, grumbullon në Kombëtare 20-vjeçarin e Tiranës

Ndërkohë, më pas është kapiteni Alban Hoxha, që iu drejtohet të gjithëve: “Edhe mos harroni që dalim kampionë po fituam”.

Nga një përqafim për të gjithë para se të dalin në fushën e blertë, dhe më pas, fitorja 2-1 ndaj Tiranës, dhe festa e shfrenuar në pamjet e mëposhtme.