Qazim Sejdini është tërhequr nga gara për kryebashkiak në zgjedhjet vendore të 30 qershorit, ndërsa socialistët kanë përzgjedhur Gledian Llatjen në vend të tij.
Ndërkohë vajza e kryebashkiakut në detyrë të Elbasanit mësohet se është përfshirë në listat e kandidatëve për këshilltare në këtë bashki.
Pritet që prezantimi i listës të bëhen sot pasdite nga Taulant Balla, si drejtues politik i PS-së në qarkun Elbasan, dhe nga kandidati për kryebashkiak, Gledian Llatja.
Socialistët kanë depozituar në KQZ listën me emrat e 51 kandidatëve për këshillin bashkiak. Në listë përfshihen Bukurosh Stafa, ish-deputet i PS-së, aktualisht kryetar i Qarkut, Serafin Papa, Dekania e Fakultetit Ekonomik Imelda Sejdini, Sekretarja e Përgjithshme e Prefekturës Eva Bica, ish-kryebashkiaku Hysen Domi, Pedagogët Hektor Çiftja, Arbër Gjeta, Majlinda Peza si dhe anëtaret e këshillit aktual, Irena Palloshi, Luiza Popja, Brunilda Fingo, Ymer Tola si dhe Ana Muça, Jana Sinani, Lytfi Lala, Rovena Islami, Enerjeta Ferra etj.
