Pas gruas së Gjiknurit, edhe princesha e Norvegjisë ‘e fiksuar’ pas gurusë, lidhje intime me…

Princesha Martha Louise e Norvegjisë, ka thënë se ka nisur një lidhje me “hackerin shpirtëror”,  Durek Verrett. Martha Louise, 47 vjeç, fëmija më i madh i mbretit Harald dhe mbretëresha Sonja, ndau detaje të romancës së saj në një postim në rrjetet sociale.

Nëna e të tre fëmijëve, e cila u divorcua nga burri Ari Behn në vitin 2017, tha se do ta donte të dashurin e saj, deri në përjetësi. Ajo ka thënë se ndjehet e plotësuar dhe nuk i interesojnë kritikat. Durek e përshkruan veten si një “udhëzues shpirtëror dhe shërues i talentuar” dhe “brez i gjashtë i Shamanit”.

LEXO EDHE  Mot i çmendur/ Reshje bore në mes të korrikut

Ai pretendon se mund ta ndalë plakjen duke përdorur fuqinë e tij për ‘hyrjen e atomeve’ brenda trupit të njeriut dhe është kontaktuar edhe nga njerëz të famshëm për këtë gjë, duke përfshirë aktoren e njohur Gwyneth Paltrow.

Vetë Martha Louise është e apasionuar pas jetës shpirtërore, aq sa në vitin 2007 donte të hiqte dorë nga froni për të hapur një shkollë që do të trajnonte njerëzit për të komunikuar me mbretërinë engjëllore.