“Kush je ti që na prish ndeshjen?”, kapiteni Radas kapet me arbitrin Kola pas humbjes në Korçë

Humbja e Skënderbeut brenda në Korçë ndaj Teutës, solli edhe acarimin e bardhekuqve ndaj gjykimit, gjë që nuk kishte ndodhur më herët për Skënderbeun.

Pas trajnerit Shehi, që akuzonte gjyqtarët, ka reaguar edhe kapiteni i korçarëve, Marko Radas. Kroati ka shpërthyer menjëherë pas përfundimit të takimit ndaj arbitrave.

Acarimi i Radasit ka qenë i madh. Marko Radas, kapiteni i Skënderbeut, u ka kërkuar llogari me tone të larta arbitrave për mënyrën sesi e kanë gjykuar ndeshjen. Në korridorin e stadiumit, kur lojtarët po hynin brenda, Radas ka ndaluar dhe ka kërkuar nga Kola llogari se përse nuk mbajti lojën drejt. Kësaj kërkese, Kola i është përgjigjur me përbuzje dhe ironi, “Jam unë që gjykoj, ik andej”. Kjo ka bërë që Radas të shpërthejë në të bërtitura. “Kush je ti që mund të shkatërrosh lojën tonë, çfarë të duket vetja ty që bën të tilla gjykime?” ka shpërthyer në akuza kapiteni i Skënderbeut. Më pas ka ndërhyrë edhe delegati i ndeshjes që i ka kërkuar Radasit të jetë më i qetë.

LEXO EDHE  Bylisi kampion i Kategorisë së Parë, mposht Vllazninë në finale