Kreu i opozitës, Lulzim Basha, ka deklaruar pas mbledhjes së opozitës së bashkuar, se nga ky moment do të ketë përballje me çdo mjet dhe çdo formë me bandën dhe krimin në pushtet.
Ai tha se sot shqiptarët nën udhëheqjen e opozitës do të përballen në çdo cep me ushtarët e krimit të Edi Ramës.
Kryedemokrati ritheksoi se në 30 qershor nuk do të ketë zgjedhje.
“Ai në vend që ti hapë rrugë zgjedhjeve të lira dhe të ndershme, ai ka zgjedhur një kur për përplasje me popullin, kjo duket qartë në listën me kriminelë që ka futur në partinë e tij dhe në partinë që janë krijuar enkas për zgjedhje”, u shpreh kreu i opozitës.
“Në listat e Ramës, janë njerëz nga banda e Ymer Lalës, banda e Roshit, banda e Avdylajve. Në Dibër kandidatët i ka caktuar Ymer Lala. Pra të dy kandidatët i emëron Ymer Lala, edhe atë që do jetë kandidat i PS edhe atë që do jetë i bashkimeve profesionale të PD. Zgjedhje nuk do të ketë. Zgjedhjet në 30 Qershor nuk do të mbahen. Shqiptarëve do ju ofrohen vrasës dhe përdhunues, por edhe ushtarë të vrasësve dhe përdhunuesve, si në rastin e Vangjush Dakos. Vendimi unanim i opozitës është përballje popullore me të gjitha format dhe mënyrat. Që nga ky moment ne jemi dhe do të jemi çdo ditë dhe çdo minutë bashkë me qytetarët në një përballje pa kthim me ushtarët dhe shërbëtorët e Juntës kriminale në pushtet deri sa të diktomë kthim në zgjedhjet e lira dhe të ndershme. Kush ul kokën dhe nuk bëhet pjesë e kësaj beteje, do të jetë shërbëtor i krimit. Pasi skenari tjetër është që Shqipëria të kthehet edhe ‘de juro’ në një juntë kriminale, por ne nuk do ta lejojmë’, deklaroi Basha. /bn/
*Lexo edhe: Basha lëshon ‘bombën’: Ja kush deputetja socialistë pjesë e dosjes së ‘Xibrakës’
