Ish-deputeti dhe ish-ministri socialist Taulant Dedja, i ka bërë apel Fatos Nanos të reagojë për situatën politike në vend dhe në Partinë Socialiste.
“Fatos Nano, nëse të dhimbset pak Shqipëria dhe partia për të cilën bëre 4 vjet burg të padrejte, dil e thuaj një fjalë për atë që po ndodh sot! Nuk besoj se je duke shkruar ndonjë libër…”, është apeli që i bën ai ish-kryeministrit dhe ish-kryetarit të PS-së, Fatos Nano.
Të njëjtën thirrje ai e bën edhe për dy ish-Presidentët Meidani dhe Moisiu, si dhe shkrimtarit Ismail Kadare.
“Nuk e kuptoj as heshtjen tënde, as të dy ish-presidenteve Meidani dhe Moisiu. Aq më pak të shkrimtarit kombëtar Ismail Kadare… Topi dihet që shkoi ‘mish për top’!”, e mbyll reagimin Dedja.
