Vjollca Hoxha ia rezervon daljet publike vetëm eventeve të Top Medias.
Megjithatë, dje në mbrëmje mund të betoheshim se Vjollca Hoxha po konkurronte për çmimet e mëdha tek “Porta e Fatit” në televizionin Klan.Një grua me një ngjashmëri të pazakontë me presidenten e “Top Medias”, u prezantua të dielën nga Orinda Huta si një prej konkurrentëve të “Porta e Fatit”, me emrin Fiqirete Kokona.
Bashkë me 3 konkurrentët e tjerë, ajo tërhoqi numrin e vet: 8, i cili nuk rezultoi me shumë fat pasi ishte zonja me numrin 11, Emina Balla, së cilës i takoi çelësi i duhur për të hapur sëndukun.
Por, le t’i rikthehemi ngjashmërisë së çuditshme të zonjës Fiqirete Kokona me zonjën Vjollca Hoxha.
Pikë së pari, drejtoria ekzekutive e “Top Channel”, është shumë e rezervuar sa i takon rrjeteve sociale, kështu që nuk është se gjendet ndonjë foto e saja me motrat apo vëllezërit.
Së dyti, ndonëse mbiemri i rinisë së Vjollca Hoxhës është Vjollca Peposhi, motra e saj është martuar dhe ka ndërruar mbiemër: Kokona.
Fiqirete Kokona, është mamaja e Kejsi Kokonës, kushërira e Lorit dhe Sarës e cila ishte edhe e ftuar në dasmën e Sarës me Ledionin në Itali në gusht të vitit të kaluar.
Së treti, ç’do motra e Vjollca Hoxhës që konkurron tek një lojë fati në Klan, në fund të fundit? Epo, nuk është për t’u çuditur. Paratë i do edhe mbreti.
Burimi : Iconstyle
