“Borchardt, turp të të vijë”, është parrulla që një grup të rinjsh kanë shkruar në murin e pallatit ku ka apartamentin ambasadori i OSBE-së. Kjo parrullë është interpretuar si një kërcënim që i është bërë ambasadorit Borchardt dhe familjes së tij.
Fillimisht për këtë parrullë ka reaguar Gent Cakaj, ministër i Jashtëm në detyrë, më pas kryeministri Edi Rama, dhe pas tyre kanë reaguar në grup përfaqësues të diplomacisë dhe OSBE-së.
Por në ndryshim nga mazhoranca dhe diplomatët, analisti Armand Shkullaku, ka shfaqur një tjetër qëndrim.
Në studion e Opinion, ai tha thënë se parrulla të tilla janë krejt normale dhe të përdorshme kudo.
“Nëse ka patur ndonjë të dhënë dhe kërcënim për atë është shumë serioze. Jo vetëm Borchardt por per këdo ambasador. Nëse është fjala për këtë parullë, ky është karagjozllëk.
Të tilla parulla shkruhen kudo, kemi parë presidentë që gjuhen me këpucë. Ka shumë diplomatë që mbajnë qëndrime që herë na pëlqejnë e herë jo. Problemi është se këto deklarata, personi që e thotë të ketë një lloj autoriteti.
Nëse diplomati shndërrohet në klloun e kur bën deklaratë më të fortë se Edi Rama, ti vij turp që çke me të”, u shpreh Shkullaku.
