Sudani ka akuzuar presidentin e rrëzuar Omar al-Bashir me nxitje dhe përfshirje në vrasjen e protestuesve, tha prokurori publik.
Akuzat erdhën gjatë një hetimi mbi vdekjen e një mjeku të vrarë gjatë protestave që çuan në fundin e sundimit të tij.
Bashir nuk është parë në publik që kur u rrëzua nga pushteti më 11 prill.
Ai u raportua më vonë se ishte zhvendosur në një burg në Khartoum.
Në fillim të majit ai u urdhërua të paraqitej përpara prokurorisë për t’u marrë në pyetje lidhur me akuzat për pastrim parash dhe financim terroristësh.
Bashir ishte në pushtet për pothuajse 30 vjet, kur në dhjetor protestuesit filluan të kërkonin dorëheqjen.
Një këshill ushtarak mori përsipër dhe është aktualisht në pushtet, por demonstruesit po këmbëngulin që t’ia dorëzojnë një administrate civile.
Bisedimet midis ushtrisë dhe një koalicioni opozitar po bëhen në një përpjekje për të krijuar një trup të përbashkët kalimtar për të drejtuar vendin.
