Nga Boldnews.al
Ambasada e SHBA-së në Tiranë, nuk u lodh shumë për të pasur një reagim mbi protestën e opozitës. Shkroi gjatë, por mori disa “citate” nga fjalimi i tejzgjatur i kryeministrit Edi Rama ditën e djeshme. “Ne dënojmë dhunën e pranishme gjatë protestave të 11 majit në Tiranë dhe përgjegjësit e saj”-thuhet në reagimin e Amabasadës së SHBA-së, që edhe “përgjegjësit” i qëmtoi në dy emra të përvetshëm.
“Ne iu bëjmë thirrje udhëheqësve të opozitës, veçanërisht Kryetarit të Partisë Demokratike, Lulzim Basha dhe Kryetares së Lëvizjes Socialiste për Integrim, Monika Kryemadhi, që të dënojnë publikisht veprimet e dhunshme të mbështetësve të tyre, të bashkëpunojnë me çdo hetim që synon të identifikojë çdo person që i kreu ato dhe vënien e tyre përpara përgjegjësisë, si dhe të sigurojnë që të gjitha protestat e ardhshme publike të jenë të qeta dhe paqësore”, mban qëndrim ambasada e Shteteve të Bashkuara të Amerikës.
Por histerizmi i qëndrimeve të ambasadorëve të huaj nuk përfundoi këtu. Me radhë më pas të tjerat, gjermane, britanike dhe italiane, në garë se kush të kapë më përpara titrat e televizioneve informative në vend. Teksti është thuajse i njëjtë që ka qarkulluar ambasadë më ambasadë, vetëm koha e reagimit ndryshon në pak minuta distancë.
Po flitet për dhunë? Dhunën ndaj derës së blinduar dhe të veshur me llamarinë nga kryeministri… Po për dhunën çnjerëzore ndaj sekretarit Organizativ të Partisë Demokratike Sait Dollapi a nuk e panë ambasadorët? Ishte “rrahje live”… Uniformat e zeza të Policisë Speciale, e kthyer në (polici qeveritare), u futën në garë se kush godiste më shumë me shkopinj gome dhe shkelma, kundër një personi të rrëzuar në tokë, pa asnjë rrezik, pa asnjë provokim, pa asnjë provokim.
Nëse nuk e keni parë edhe këtë, (që sigurisht e kanë parë disa herë edhe me ripërsëritje) dhe bëni sikur asgjë nuk ka ndodhur, atëherë “Fuck off all”-që nuk reagoni… Kjo shprehje në anglisht, është përdorur shpesh nga kryeministri aktual. E nëse Rama do ishte në opozitë këtë do ua thonte me gojën plot: “Fuck off alla”… Sot në spital nuk ka asnjë polic, asnjë punonjës shteti, por ende dergjet nën kujdesin intesiv të mjetëve Sait Dollapi, i dhunuar fizikisht dhe i kërcënuar nga togat zioshe të policisë që drejtohen nga gjenerali Sandër Lleshaj.
Sot dhuna është vetëm në një anë. Dhuna policore kontrollohet nga qeveria. Gazi lotsjellës po bie mbi qytetarët, që po u zihet fryma edhe brenda shtëpive. Dhunën e marrin çdo ditë në përballje me zyrat e shtetit. Aty ku u mohohet prona, ku nuk gjejnë drejtësinë, kur nuk marrin shërbimin mjekësor, kur zyrtari i pushteshëm tregohet arrogant. Të përbuz, të përdhos, bashkë me paratë e djersës në xhep të merr dinjitetin dhe në fund të akuzon: “po ushtroni dhunë”…
Vota po blihet në tregun e lirë të pushtetit, 20-50 mijë lekë të vjetra është një kokërr votë, kaq kushton. Kur nuk bën punë paraja, futet presioni, kërcënimi i grupeve kriminale të veshur me kostum Rilindje. Po kjo a është dhunë?
Ambasadorë të nderuar. A nuk është “dhunë” korrupsioni i madh qeveritar? Para se të flisni për “akte të padenja”, hidhini një sy raportit të Departamentit Amerikan të Shtetit (pra shtetit tuaj, nga ku edhe ju paguheni) që të tregoni të vërtetën, e të mbani anën qytetare shqiptare, jo kaq haptas qeveritare.
“Korrupsioni ishte i përhapur në të gjitha degët e qeverisjes. Ndjekja penale dhe veçanërisht gjetja fajtorë e zyrtarëve që kanë kryer shkelje ishte sporadike. Zyrtarët, politikanët, gjykatësit dhe persona me interesa të fuqishme biznesi ishin shpesh në gjendje të shmangnin ndjekjen penale”, thuhet në raportin e fundit të DASH. Kjo është dhuna ambasadorë të dashuarur me bukuritë e natyrës, me mishin e qengjit, qoftet e freskëta dhe Rilindjen!
