Plarent Aleksi është regjistruar si kandidat i pavarur për Bashkinë e Beratit për zgjedhjet e 30 qershorit.
Në këtë mënyrë Aleksi do të rivalizojë kandidatin e Rilindjes, Ervin Demo, i përzgjedhur nga Partia Socialiste.
E veçanta e Plarent Aleksit është se ai është gjithmonë kandidat në zgjedhje, qofshin lokale apo parlamentare.
Aleksi ka kandiduar edhe në 2015, sikundër pohon vetë në një koment në rrjetet sociale.
“Duhet pasur parasysh se Zgjedhjet e 2015 kur desha të paraqitesha si kandidat i pavarur (për bashkinë Berat), qeveria lokale dhe ajo qendrore krijuan shumë probleme, të cilat nuk ishin të justifikuara nga ana Ligjore apo Etike.
Prandaj, pjesa me e madhe e atyre (personave) që ishin pjesë e komisionit nismëtar kane pasur shumë probleme në lidhje me punësimin dhe në marrdhëniet me shtetin, sepse po mbështesnin kandidaturën time për kryetar bashkie.
Prandaj, ata të cilët duan të marin pjesë në këtë fushatë (2019) duhet të kenë parasysh se do të ketë vështirësi. Por kjo nuk do te thotë se duhet të ndalojmë. Sepse Shqipëria ka nevojë për Ndryshim, ka nevojë për Demokraci, ka nevojë për Zgjedhje. Mund te jemi të kujdeshëm, por kjo nuk duhet të na ndalojë. Frika nuk duhet te na ndalojë, Korrupsioni nuk duhet të na ndalojë.
Eksperienca e zgjedhjeve 2015, është një eskperiencë nga e cila duhet të mësojmë, duhet të mesoj unë dhe ata të cilët ishin aq të kurajoz sa të mbështesnin një kandidat, i cili nuk bënte pjesë e sistemit”, shkruan Aleksi.
