Reagimi i Ambasadës amerikane në Tiranë lidhur me protestat e opozitës ka sjellë pakënaqësinë e qytetarëve.
“Ne dënojmë dhunën e pranishme gjatë protestave të 11 majit në Tiranë dhe përgjegjësit e saj. Dhuna çoi në plagosje dhe dëmtime të pronës, përfshirë edhe dëmtim të vendbanimit së Ambasadorit të OSBE-së”, thuhet mes të tjerash në reagimin e ambasadës amerikane.
Në statusin e ambasadës në Facebook, kanë vërshuar komente të shumta të qytetarëve që vënë në dukje gjendjen e rendë në të cilën ndodhet vendi dhe injorimin e këtij fakti nga ambasada.
Disa prej qytetarëve shprehen se ambasada amerikane në Tiranë është bërë shtojcë e pushtetit, ndërsa të tjera shprehin revoltë pse nuk reagim për aferat korruptive të qeverisë.
Kjo nuk është hera e parë që qytetarët shprehin pakënaqësi ndaj qëndrimit të ambasadës amerikane, duke e konsideruar pro qeverisë Rama.
