Prej mbrëmjes së 11 majit, Sekretari Organizativ i PD, Sahit Dollapi vijon të jetë nën mbikëqyrjen e mjekëve në Spitalin e Traumës.
Ai u dërgua me urgjencë për mjekim, pas arrestimit me dhunë nga efektivët e policisë gjatë protestës që po zhvillohej para godinës së Parlamentit.
Pas arrestimit, policët ushtruan dhunë ndaj tij me shkop gome, duke i shkaktuar nxjerrje të njërës shpatull.
I shtruar në spital, Dollapi ka pritur shumë vizita, mes tyre edhe një grup artistësh e aktivistësh.
Elona Caslli, një ndër ta, ka publikuar foto nga spitali, nga ku tregon pse mori vendimin për ta vizituar zyrtarin e PD, edhe pse kishte dëgjuar shpesh në familjen e saj të flitej për të.
“Ishte hera e parë që e takoja. Në shtëpinë time e kisha dëgjuar të lakohej si emër shpesh nga im atë. Nuk i kujtoja detajet në saktësi, por kujtoja se në kujtesën e tim eti, është në listën e njerëzve të mirë në këtë qytet.
A është subjektiv im atë në vlerësim?! Ndoshta.
Por, vendimi im për të shkuar pranë këtij individi, ishte krejt objektiv pas asaj pamjeje të trishtë dhune, e cila u përpoq të jepte mesazhin e një diktature të ftohtë, të akullt dhe krejt të pamëshirshme…..!
Post Scriptum- Të shkuara dhe të fala nga im atë.
Shkrepje nga- Albana Vokshi”, shkruan aktivistja./Politiko.al/
