Ambasada italiane ka mbyllur sytë para dhunës verbale dhe fizike që ëhstë ushtruar ndaj ndaj qytetarëve shqiptarë në 11 maj, jo vetëm ndaj atyre që ishin në protestë, por edhe ndaj qytetarëve që kishin dalë në rrugë për punët dhe hallet e tyre.
Ambasada italiane është shfaqur shumë e shqetësuar ditën e sotme, për ‘dhunimin’ që iu bë ambasadorit të OSBE-së, Gerhard Bochart, pasi këtij të fundit kishin shkruar poshtë shtëpisë ‘Të të vijë turp’, por ka mbyllur sytë para vuajtjeve të fëmijëve që dhunoheshin nga gazi kimik i Sandër Lleshit.
Ja reagimi i Ambasadës italiane:
E drejta për të protestuar është tipar thelbësor i një demokracie të shëndetshme, por protestat duhet të mbeten paqësore. Gjatë protestës së dhunshme të 11 majit pati të lënduar në radhët e policisë dhe të protestuesve, si dhe u dëmtuan disa godina publike.
Ambasada italiane në Tiranë u bën thirrje udhëheqësve të opozitës që të dënojnë dhunën dhe të garantojnë që protestat e ardhshme të jenë paqësore dhe të qëndrojnë brenda kornizave ligjore. I kërkon gjithashtu forcave të rendit të tregojnë vetëpërmbajtje.
Ambasada e Italisë dënon pa rezervë kanosjet ndaj Kryetarit të Prezencës së OSBE-së në Shqipëri, veprime të papranueshme në një demokraci.
Së fundmi, Ambasada italiane u kërkon të gjitha palëve të fillojnë dialogun si mënyra e vetme për të zgjidhur krizën aktuale politike dhe për të mbështetur rrugën e integrimit evropian të Shqipërisë.
