Ish-ministri i drejtësisë, Ylli Manjani ka reaguar pas konferencës së kryeministrit Edi Rama me gazetarët.
Manjani këshillon Ramën të largohet sa është në kohë, pasi tani të gjithë e dinë se ai në 2017-n erdhi në pushtet me marrëveshje e jo me votë.
Reagimi i plotë i Ylli Manjanit:
Këshillë
———
Unë jam dakord , Ti (Rama) nuk je si ata (Basha e Berisha).
Po për atë që je e bën Ik!
Ik se s’mbahet karrigia me policë, për asnjë sekondë!
Bëj aq sa i sugjeroje publikisht dikur Fatos Nanos.
As ata të dy, që janë “të këqinjtë” nuk e mbajtën dot, as me armë zjarri…
Shpalli ato zgjedhje dhe lejo popullin të tregojë me votë nëse e meriton atë karrige, apo jo. Aty janë shifrat e vërteta të pjesëmarrjes.
Në votimin politik do marrësh vesh se si “arsyeton” populli. Jo në rrugë, as në shesh të mbushur kriminalisht me provokatorë dhe gaz lotsjellës.
Sa më shpejt ta bësh, më shumë shance do kesh. Më vonë më keq për Ty…
Në 2017 e more me marrëveshje, jo me votë.
Mos e harro këtë gjë!
