Kreu i opozitës Lulzim Basha, në një takim me gazetarët, foli për dhunën e djeshme të policisë ndaj qytetarëve dhe Sekretarit Organizativ të PD, Sait Dollapi.
Basha paralajmëroi Ramën se nuk ka ku të fshihet dhe nuk do të mund të mbajë pushtetin me dhunë. Ai ka paralajmëruar Ramën të bëjë kujdes nesër në orën 18:30, pasi në rastin më të mirë ai do të lutet të ketë fatin e ish0kryeminsitrit të Maqedonisë së veriut Nikolla Gruevski, i cili sot është në arrati.
‘Arsyeja e të gjitha krizave, është humbja totale e drejtpeshimit që e mban një shoqëri bashkë, që i bën njerëzit të ndodhen pjesë e një familjeje të madhe, pasi prej 6 vitesh vendi nuk qeveriset po sundohet, dhe fati është në dorën e një personi dhe disa personave që janë jashtë kontrollit. Kriza politike është fillesa e krizës, politike, sociale, dhe ekonomike që po kalon vendi. Dje u gjendën si asnjëherë tjetër protestues të ardhur nga i gjithë vendi me dëshirën për t’i kthyer Shqipërisë, normalitetin, dhe nga ana tjetër një juntë e cila goditi me doza të larta gaz helmues dhe gaz helmues qytetarët. Sot është e qartë se mirëkuptimin e dhunës ndaj numrit 3 të PD-së, urdhëruesi i dhunës doli përpara shqiptarëve. Ndërsa për gazin ai u pa qartë se sa i shkëputur nga realiteti, ky sundimtar që e sheh ngjarjen si një film nga vila e tij miliona dollarëshe në Surrel. Është e qartë se kështu nuk mund të vazhdohet më, nuk është një sfidë personale mes meje dhe tij, pasi në betejën direkte unë e kam mundur. Ramën e ka mundur pushteti 21 vjeçari, zullumet ndaj popullit dhe arroganca. Sot unë, PD dhe opozita e bashkuar jemi nisur për të rikthyer normalitetin dhe shpresën e këtij vendi. Sot orë pas dramës së mbrëmshme të dhunës të parë nga të gjithë shqiptarët kundër opozitarëve dhe në prag të protestës kombëtare të thirrur nesër në orën 18:30 dua ti them Ramës, mos i kalo caqet, mos bëj të fortin, harroje se do të marrësh e mbrasht pushtet me dhunë. Në fatin më të mirë do të lutesh të kesh fatin e Nikolla Gruevskit’, deklaroi Basha.
