Kreu i PD-së, Lulzim Basha, në një dalje para gazetarëve deklaroi se sot Shqipëria është në udhëkryq dhe sundohet nga e keqja.
Ai tha se themelet e së keqes janë dosjet 339 dhe 184 dhe për të rikthyer normalitetin duhet shkulur e keqja.
Ai tha se sot në burg janë shqiptarët e thjeshtë ndërsa kriminelët janë në pushtet.
‘Dosja 339 dhe Dosja 184, janë themeli i ngrehinës së të keqes, i të keqes që ka zaptuar sot Shqipërinë. Ndaj që rruga të hapet për një Shqipëri Europiane, duhet që kjo ngrehinë të hapet me themel. Për që të hetohen dosjet e krimit duhen prokurorë dhe gjyqtarë të pavarur, ndaj Edi Rama po investon gjithçka të kapë drejtësinë. Gjiknuri, Balla sot duhet të ishin të pandehur, Ulsi Manja duhet të ishte në burg për rolin e tij në shitblerjen e zgjedhjeve në Dibër. Në këto kushte Rama propozon atë që ta çojë të keqen edhe më thellë, të diktojë një tjetër proces zgjedhor, ku kryebashkiakët të jenë produkt i Ramës dhe krimit. Sot Gjiknuri është i lirë, arrestohet balliu thjeshtë dhe pse doli në krahë të qytetarëve. Kjo është arsyeja e rrahjes së Dollapit, që Rama të tregojë se sa larg mund të shkojë për të mbajtur pushtetin me kriminelët’, deklaroi Basha.
