Kreu i opozitës Lulzim Basha, deklaroi edhe njëherë se PD nuk do të hyjë në zgjedhjet lokale të 30 qershorit me Ramën kryeministër.
Ai tha se edhe pse sondazhet e favorizojnë ai nuk do të futet në zgjedhje, pasi do të duhet të veprojë si Rama.
‘Nëse hyjmë në zgjedhje, e keqja do të shkojë edhe më thellë. Kjo është arsyeja pse nuk kam dëgjuar edhe këshillat e dashamirsve, të cilët më thonë që futu në zgjedhje sepse sondazhet favorizojnë PD dhe opozitën. Por kjo do të thotë që ne të ndjekim shembullin e Ramës, që për çdo Ymer lalë, të marrim një anti Ymer Lalë, për çdo Shullaz një anti Shullaz, por këto nuk janë zgjedhje, kjo është luftë bandash. Bëtaja ime në këto vite ka qenë me Bajrajt, Ymer lalën, Rrahjet, të cilët në emër të Ramës, ballës, Gjiknurit, Tahirit dhe të anëtarëve të tjerë të Rilindjes asgjësuan zgjedhjet. Për këtë arsye ne me zgjidhjen që propozojmë i bëjmë një nder të madh vendit. Edhe pse në çdo sondazh ne jemi mazhoranca më e madhe në vend, ne nuk luftojmë për pushtet, por ne jemi për të qenë mazhoranca morale e vendit. Ne jemi në këtë betejë për ti dhënë fund tranzicionit të tejzgjatur. Të shkatërroj çdo mundësi që ndokush tjetër të kapë 3 pushtetet. Rama bëri pohimin sot, se me të vërtetë ai e ka të vështirë të shkëputet në paktin për pushtet, pasi ai nuk e ka atë me shqiptarët dhe votuesit shqiptarë. I bëj thirrje të mendohet mirë’, deklaroi Basha
