Një 19-vjeçar është vënë në prangat e policisë, pasi akuzohet se ka kërcënuar me mesazhe një vajzë të mitur. Burime nga policia i thanë se bëhet fjalë për shtetasin me inicialet Leridion Daja, banues në Berat.
19-vjeçari prej disa ditësh përndiqte dhe kërcënonte të miturën. Mësohet se ka qenë vajza ajo që ka bërë denoncimin në polici, pasi Leridion Daja e ka përndjekur dhe ofenduar. Pas kësaj autoritetet kanë vënë në pranga 19-vjeçarin mbi të cilin rëndon akuza për veprën penale “Përndjekje”.
Kujtojmë se ky është rasti i dytë i raportur brenda diëts së sotme, ku në Kamëz një 25-vjeçar ra në prngat e policisë, pasi akuzohet se 2 ditë më parë, ai ka marrë në makinë një vajzë të mitur, në Kodër-Kamëz dhe më pas e ka çuar në hotel dhe akuzohet se kryer veprime të turpshme me të.
