Ministri i Bujqësisë, Bledi Çuçi, i njëjti ministër që shpjëgoi pak ditë më parë se nga vaji i palmës nuk vjen asnjë rrezik për organizmin e njeriut, është nisur drejt Vlorës për të survejuar nga afër rritjen e disa prej perimeve shiqiptare.
Përmes një statusi në facebook dhe fotot që e shoqërojnë atë, Çuçi fotografohet duke ngrënë vetë domaten e sapo këputur nga dega: “Nuk ka asnjë histori të tillë si gjilpëra apo hormone në perimet shiqptare,’ është shprehur ministri duke na siguruar se ato janë 100% bio.
Madje, eksperti i bujqësisë ka shtuar edhe se më shumë se 80% e prodhimeve të serrave në vend,rriten pa qenë nevoja të përdorin fitorregullatorët.
Statusi i Çuçit
Në fshatin Bishan të Vlorës ndodhet një prej shumë serrave ku kultivohen domate për tregun vendas dhe të huaj. Nuk ka as histori gjilpërash e as histori hormonesh. Në vend të fito-rregullatorëve po përdoren bletë të posaçme për pjalmimin e lules. Prodhime 100% të sigurta dhe të shijshme. Përmes kësaj metode rriten sot domatet në mbi 80% të serrave në çdo anë të Shqipërisë. Jo më kot nga rreth 300 mijë tonë eksporte gjatë vitit të kaluar në vende të BE-së nuk patëm asnjë kamion të kthyer mbrapsht. Ju ftoj të konsumoni prodhime si këto të Gjergji Hoxhës dhe të çdo fermeri tjetër në vend që punon me pasion dhe përkushtim. Ndërsa ata që abuzojnë do të përballen me ashpërsinë e ligjit. Në javët e ardhshme ndryshimet në Kodin Penal do të kalojnë në Kuvend. Kushdo që e çon nëpër mend të cënojë sigurinë ushqimore duhet të mendohet mirë.
