Ish-kryeministri Sali Berisha, ka publikuar një tjetër denoncim të një qytetari, i cili tregon se si policia shqiptare ka përplasur një qytetar dhe e ka lënë në mes të rrugës.
Sipas qytetarit eskorta e policisë, e cila shoqëronte ministrin e jashtëm serb, Ivica Daçiç dhe presidentin serb të Bosnje-Hercegovinës Milorad Dodik, të ndodhur në Tiranë për Samitin e Liderëve të Procesit të Brdo-Brijunit, ka përplasur një qytetar.
Qytetari thekson se personi i aksidentuar quhet Shkëlzen Tota dhe ndodhet në reanimacionin e Spitalit të Traumës në gjendje të rëndë.
Skandali shtohet teksa pasi e ka përplasur, policia jo vetëm që nuk i ka dhënë ndihmën e parë, por e ka braktisur në rrugë.
Kanë qenë qytetarët ata që kanë ndërhyrë për ti dhënë ndihmën dhe për të njoftuar më pas edhe ambulancën.
Postimi i plotë i Berishës:
Narkopolicia aksidenton qytetarin dhe e braktis ne rruge ne gjendje kritike dhe si kriminele fshehin krimin!
Lexoni mesazhin e qytetarit dixhital. sb
Përshëndetje zoti Berisha, Dje rreth ores 2:30, afër Senatoriumit, eskorta e policise duke shoqëruar Daçiçin e Dodikin , ka përplasur një qytetar i quajtur Shkelzen Tota. Dhe e kan lën si qen nê rrugë , ndihmëm e parë e ka mar nga kalimtaret, Dhe ndodhet në gjendje Kritike te Reanimacioni Traumës.
