Prezantuesi i BBC Danny Baker, është lajmëruar me pushimin nga puna pas postimeve t ëtij në rrjetet sociale lidhur me foshnjen e sapo lindur të Familjes Mbretërore.
“BBC” e akuzoi Baker-in, për “gjykim të gabuar” ndaj fëmijës mbretëror. Baker publikoi një foto në “Tëitter”, ku tregohej një çift që mbante në duar një shimpaze të veshur me rroba, me mbishkrimin: “Foshnja mbretërore largohet nga spitali”.
Prezantuesi i “BBC 5 Live” u akuzua se përmes kësaj fotoje ai u tall me trashëgiminë racore të dukeshës Meghan.
Korporata tha se postimi i Baker-it “shkon kundër vlerave që ne si një transmetues synojmë të mishërojmë”.
Në deklaratë shtohet: “Danny është një transmetues i shkëlqyer, por nuk do të jetë më në një shfaqje javore me ne”.
Baker u detyrua të kërkonte ndjesë në rrjetet sociale dhe e quajti postimin e tij“shaka idiote”, madje e fshiu postimin, ama kjo nuk e ktheu atë në punë.
