Performancat e Egzon Belicës te Partizani duket se ka rënë në sy në Turqi. Partizani është vetëm një hap larg fitimit të titullit dhe qendërmbrojtësi do të jetë i gatshëm për derbin e kësaj fundjave ndaj Tiranës.
“Hurrieyet.com.tr” nga Turqia raporton se klubi që militon në Kategorinë e Dytë turke është i interesuar për Belicën. Menemen Beledijerspor ka arritur të fitojë kampionatin dhe ka siguruar ngjitjen në Ligën e Parë. Kjo merkato pritet të jetë e nxehtë për klubin e Partizanit, pasi shumë lojtarë janë në shënjestër të shumë klubeve për shkak të performancave të mira gjatë kampionatit.
