Një 48 vjeçar I shpallur në kërkim ndërkombëtar nga Italia u arrrestua këtë të premte nga policia e Lezhës.
48 vjeçari I arrestuar është identifikuar si shtetasi Astrit Nimani, I njohur ndryshe me pseudonimin “Titi i Ukës”.
Por kush është Astrit Nimani?
Astrit Nimani është një emër I njohur edhe për drejtësinë shqiptare. Në vitin 2015 Nimanit me urdhër të Prokurorisë së Krimeve të Rënda iu sekuestruan 230 apartamente banimi në Shëngjin që kapnin vlerën e 10 mln eurove pasi dyshohet se ishin vënë si pasojë e veprimtrisë kriminale.
Por krahas kësaj, Nimani është I njohur edhe për nagazhimet e tij në politikë. Në vitin 2013, Astrit Nimani ishte anëtar i Këshillit Bashkiak në Bashkinë e Lezhës, nën siglën e Partisë Ora e Shqipërisë, e cila ishte në koalicion me Partinë Demokratike.
Por krahas kësaj, Nimani ka qenë I dënuar disa herë në Itali me akuzën e trafikut të drogës.
Arrestimi I Nimanit u bë nga policia e Lezhës në bashkëpunim me Interpool Tiranën pasi ishte shpallur në kërkim nga autoritetet italiane. Nimani është dënuar nga gjykata e Milanos me 13 vite burg dhe do të ekstradohet drejt Italisë.
Pasuritë e vëna nën sekuestro në plazhin e Shëngjinit në vitin 2015:
1-Një godinë 5-katëshe, Hotel-Bar-Restorant, me sipërfaqe totale 7940 m2
2-Një godinë 13-katëshe, me sipërfaqe totale 5000 m2,
ku përfshihen: 65 apartamente banimi, njësi tregëtimi dhe garazhe.
2-Një godinë 13-katëshe, me sipërfaqe totale 6500 m2,
ku përfshihen: 65 apartamente banimi, njësi tregëtimi dhe garazhe.
4-Një godinë 10-katëshe, me sipërfaqe totale 9500 m2,
ku përfshihen: 90 apartamente banimi, njësi tregëtimi dhe garazhe Parkimi.
