Kreu i opozitës Lulzim Basha, ju ka bërë thirrje të gjithë qytetarëve shqiptarë që të bashkohen nesër në orën 18:30 para kryeministrisë në betejën vendimtare për të shpëtuar Shqipërinë nga krimi dhe kriminelët.
Ai tha se e nesërmja është ditë vendimtare e betejës pa kthim deri në çlirimin e Shqipërisë nga kriminelët në pushtet.
‘E nesërmja është një ditë shumë e rëndësishme. Është dita ku nga njëra anë Shqipëria e frikës, krimit dhe korrupsionit, po shpreson ta lodhë dhe ta përçajë popullin e bashkuar. Dhe nga ana tjetër Shqipëria e shpresës, e besimit në zot, Shqipëria e shqiptarëve europianë bëhet gati për një përballje vendimtare pa kthim, pa asnjë hap prapa. Për t’ia marrë vendin tonë, fatet tona të grabitura nga Rama dhe klika e tij kriminale, dhe për ti parë shqiptarët zot në shtëpitë e tyre’, deklaroi Basha.
