Në një vend të vogël si Shqipëria, është mbase mënyra e vetme për të mos ‘rrëshkitur’ dhe kjo është ‘sulmi’. Megjithatë, jo gjithnjë funksionon në mënyrën perfekte të mundshme.
Vetëm dis ditë pas publikimit të lajmit lidhur me një letër të hapur që vetë diplomatja Ilda Topulli publikoi për kreun e qeverisë Edi Rama, vjen dhe reagimi i par.
Nuk bëhet fjalë për Ramën por për një shtetas shqiptar që jeton në Turqi e akuzon ish-sekretaren e përgjithshme të konsullatës se ajo ka abuzuar me detyrën.
Laert Bushi, tregon sorollatjen që ish-konsullja i ka bërë, vetëm për një përkthim certifikate. Bushi tregon se, Topalli e sorollati për tri javë rrugëve të Stambollit, dhe të gjitha herët që i shkoi në zyrë e refuzonte me arrogancë, duke i thënë se, duhet ta bënte online. Bushi shprehet se, kryeministri ka bërë mirë që e ka shkarkuar Topallin, pasi ajo nuk u shërbente interesave të qytetarëve.
“Unë jam martuar në Turqi, flas me prova, në gjendjen civile turke(Belaydea) më kërkuan që të përkthej certifikatën time familjare dhe atë personale në gjuhën turke dhe të marr vulë nga Konsullata Shqiptare në Turqi, kështu që mund të realizohej martesa. Bashkëshortja ime, shtetase tuniziane nuk pati asnjë pengesë nga konsulli tunizian(që edhe estetikisht ishte më mirë, ishte më i madh e shumë më komod e mbi të gjitha, personat në shërbim të qytetarit ishin shumë të disponushëm). Ndërsa Konsullja shqiptare, Ilda Topalli nuk pranoi të bënte përkthimin, pasi më tha që duhet bërë online. Telefonova Ambasadën Shqiptare në Ankara dhe më thanë që ajo ka detyrim njëherë që paraqitesh në ambasadë të kryej shërbimin, pasi shërbimi online është për personat që janë larg, pra logjikisht njëherë që paraqitesh në konsullatë, duhet ta marrësh aty shërbimin. Nuk pranoi gjithsesi kjo Ilda edhe kur provova me të gjitha mënyrat ta bind, me një lloj arrogance refuzoi çdo tentativë, aplikimin online nuk e bëja dot, pasi nuk e pranonte, isha me bashkëshorten dhe babanë e saj. Më ka vërdallisur rrugëve të Stambollit për 3 javë. Të 10-ën herë gjeta një djalë për fat, i cili më mbaroi punë për 10 minuta. Ndoshta Rama e ka pushuar për interesa të tjera, por ajo e meritonte pasi nuk i shërbente qytetarit e më ka trajtuar si endacak rrugëve të Turqisë, më ka bërë të shpenzoj qindra euro kot.”,- tregon Bushi. Marre nga Dritare.net
