Tjetër rrjedhje nga radhët e Lëvizjes Socialiste për Integrim.
Sot, ka dorëzuar formularin e dekriminalizimit në Komisionin Qendror të Zgjedhjeve Vasil Sterjovski, duke i hapur rrugë pranimit të mandatit të deputetit. Sterjovski është kandidati për deputet i Lëvizjes Socialiste për Integrim në Qarkun e Korçës (i pesti), në zgjedhjet e fundit parlamentare. Ai është përfaqësues i minoritetit maqedonas në këtë qytet.
Një ditë më parë, u raportua se Suzana Topi, nga listat e LSI në Elbasan, dorëzoi gjithashtu formularin e dekriminalizimit në KQZ.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet parlamentare të 2017-ës. Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”. /bn/
