Policia e Shtetit ka ushtruar dhunë edhe ndaj qytetarëve që kanë marrë pjesë në protestën e thirrur nga levizja Vetëvendosja në Tiranë, kundër vizitës së Presidentiot serb, Aleksandar Vuçiç.
Protesta e thirrur nga lëvizja Vetëvendosja në Bulevardin “Dëshmorët e Kombit” është cilësuar e paligjshme nga policia, e cila ka bërë thirrje për shpërndarjen e protestuesve.
Bojken Abazi, drejtori ekzekutiv i “Vetëvendosje!” në Shqipëri, tha se ka pasur dy kthim-përgjigje, në njërën prej të cilit thuhet se jepet leje për tubim të hënën, por kjo mohohet nga policia.
Policia tha se organizatorët do të mbajnë përgjegjësi ligjore.
Protestuesit kanë tentuar të çajnë kordonin policor, por uniformat blu kanë përdorur dhunën. Raportohet se një prej aktivistëve është dëmtuar si pasojë e goditjeve.
Aktivistët kanë shpalosur një banderolë, ku shkruhet “Non-grata Vuçiç dhe Dodik”.
