Një punonjëse sanitare pranë konviktit Trajtim Studenti të Universitetit Eqerem Çabej në Gjirokastër, Adelina Loloci,ka denoncuar drejtoreshën e këtij institucioni, Doriana Demo për pushim të padrejtë nga puna.
Përmes disa reagimeve në rrjet, Loloci pretendon se drejtoresha e ka larguar nga puna si sanitare për të favorizuar njerëz të saj.
Sipas Lolocit, nga drejtoresha Demo i është thënë se motivi i largimit nga puna lidhet me shkurtimin e pozicionit të saj, por kjo arsye i duket jo e vërtetë.
Ajo punonte në Ndërmarrjen e Trajtimit Studentor Gjirokastër prej gati 5 vitesh.
Më poshtë reagimi i saj i plotë.
