Shefja e Politikës së Jashtme në BE, Federica Mogherini, tha se asnjëherë nuk ka negociuar mes partive politike në një vend anëtar ose jo anëtar të BE-së.
Në këtë mënyrë, Mogherini deklaroi se nuk do të luajë rol negociues për zgjidhjen e krizës politike në Shqipëri.
“Asnjëherë nuk promovoj dhe nuk hyj në negociata apo ndërmjetësime ndërmjet partive politike në një vend të caktuar qoftë brenda BE apo jashtë tij, këtë duhet ta bëjë politika e brendshme dhe roli i BE është që të ketë marrëdhënie me institucionet, me qeverinë, parlamentin, presidentin dhe shoqërinë.
Ky është roli që i përmbahem në mënyrë të rreptë. Nuk kam bërë negociata apo ndërmjetësime në 2017 në dinamikën e brendshme të politikës shqiptare dhe nuk e kam bërë as në vendet e tjera. Kjo nuk është qasja jonë për marrëdhëniet institucionale dhe politike me vendet tona partnere”, theksoi ajo.
