Paraditen e sotme, pati një përplasje mes policisë dhe banorëve të Unazës së Re të cilët kishin bllokuar rrugën në shenjë proteste për shkak të vizitës së kryeministrit Rama tek fabrika e miellit. Policia shoqëroi 6 persona në komisariat mes të cilëve dhe ish-deputeti, Klevis Balliu.
Mësohet se janë liruar 4 nga 6 personat e arrestuar.
Ndërsa, ish-deputetit të PD, Klevis Balliu i është prerë fleta e arrestit së bashku me Elton Skënderi. Mbi ta rëndon akuzohen për “kundërshtimit me dhunë të forcave të policisë”.
Balliu do të dalë për masën e sigurimit në gjykatë po ashtu si edhe personat e tjerë të arrestuar nga policia këtë të martë.
Ndërkohë para komisariatit vijojnë të jenë jo vetëm banorët por edhe ish-deputetë të PD-së.
Banorët e Astirit protestojnë prej më shumë se 6 muajsh, duke kundërshtuar projektin e Unazës së Re, që parashikon shembjen e banesave të tyre.
