Në orën 21:00 të mbrëmjes së sotme luhet deshja e kthimit mes Liverpulit dhe Barcelonës për gjysëm-finalen e Champions League. Skuadra angleze gjendet në pozita shumë të vështira, pasi i mungojnë dy nga yjet e skuadrës për dëmtim. Si Salah, ashtu edhe Firmino nuk ia kanë dalë të bëhen gati për këtë duel, ndaj Klop është dashur të improvizojë me sulmin për duelin më të rëndësishëm të sezonit.
Trajneri gjerman ka vendosur t’i besojë Xherdan Shaqirit që nga minuta e parë, duke shpresuar që ai të bëjë diferencën me shpejtësinë dhe tekniken e tij. Në krah të tij në repartin e avancuar do të jenë Origi dhe Mane.
Nga ana tjetër, Barcelona paraqitet me formacionin titullar të ndeshjeve të fundit, me Kutinjon që luan përkah Mesit dhe Suarez. Katalanasit vijnë të qetë pas suksesit 3-0 në ndeshjen e parë dhe do të kërkojnë të administrojnë sa më mirë atë rezultat.
Formacionet
Liverpul: Allison, Aleksander-Arnold, Matip, Van Dijk, Robertson, Milner, Fabinjo, Henderson, Shaqiri, Origi, Mane.
Trajner: J. Klop
Barcelona: Ter Shtegen, Zh. Alba, Lengle, Pike, S. Roberto, Buskets, Vidal, Rakitiç, Kutinjo, Suarez, Mesi.
Trajner: E. Valverde
