Fundjavën që lamë pas në qytetin e Bulqizës, rreth 100 persona kanë përfunduar në urgjencën e spitalit me shenjat e një helmimi të rëndë. Dyshimi i parë lidhej siguisht me gjendjen e ujit ndaj dhe për këtë u morën masa të kryheshin analizat e mënjëherëshme.
Por, ndërkohë që banorët ankohen gjithnjë e më shumë për ujin e pijshëm në atë vend, analizat që vijnë nga ISHP tregojnë se uji nuk është i kontaminuar.
Për një përgjigje më të plotë për shkaktarin e simptomave tek qytetarët e Bulqizës duhet të presim rezultatet e tjera të analizave nga mostrat e marra nga grupi i ISHP në Bulqizë. Por, nës enuk ka qenë uji shkaku kryesor i helmimt të banorëve të këtij qyteti, atëherë diçka tjetër e ka shkaktuar atë edhe pse banorët nuk tërhiqen nga dëshmia e tyre.
Lidhur me rastin nuk ka pasur asnjë reagim nga zyrtarët e qeverisë, si kryeminsitri Edi Rama apo ministrja e SHëndetësisë Ogerta Manastirlliu. Ndërkohë, as policia dhe as Prokuroria, nuk kanë njoftuar për ndonjë hetim të mundshëm.
Përgjigja e analizave të para për ujin në Bulqizë
Në laboratorin e Institutit të Shëndetit Publik ka dalë rezultati i një prej analizave mikrobiologjike të ujit të pijshëm marrë në rrjetin ujësjellës, që dyshohet të ketë shkaktuar disa simptoma në banorët e ‘Lagjes së Vjetër’ në Bulqizë.
Përgjigja e mostrës së sjellë nga Shërbimi i Sëmundjeve Infektive, Njësina Vendore e Kujdesit Shëndetësor Bulqizë, në laboratorin e ISHP, ka dalë negative për ngarkesë mikrobiologjike, pra nuk ka ndotje mikrobiale.
Për një përgjigje më të plotë për shkaktarin e simptomave tek qytetarët e Bulqizës duhet të presim rezultatet e tjera të analizave nga mostrat e marra nga grupi i ISHP në Bulqizë.
Nga ana e specialistëve të ISHP në zonën ku janë paraqitur më shumë raste, janë marrë mostra uji në rrjetin ujësjellës, këto mostra janë në proces analizimi për parametrat mikrobiologjik, fiziko-kimike dhe toksikologjike (metalet e rënda dhe pesticidet), këto analiza pritet të dalin në ditët në vijim.
