Perditesuar/ Deputetët e mazhorancës në Komisionin e Sigurisë ka rrëzuar dekretin e Metës për Vettingun e Policisë.
DEBATET
Pas kthimit në Kuvend të ligjit për Vettingun në Polici, Ministri Sandër Lleshaj i është përgjigjur Presidentit të Republikës Ilir Metës. Nga Komisioni i Ligjeve, ai raportoi para deputetëve për ndryshimet në ligj, ku dhe bëri shpejgimin e tij. Lleshaj tha se Presidenca është paragjykuese në argumentet e saj.
Lleshaj u tregua i ashpër me Presidencën duke thënë se përgjigja e tyre është përtej absurdit dhe paranojake kundër një institucioni kushtetues si ministria e Jashtme.
“Nuk është prekur pavarësia e ligjit. Në të dy rastet komisoni është i jashtëm. Nëse ne pretendojmë se është prekur pavarëisa e procesit, që këta personat e fazës së dytë dhe të tretë janë në varësi të ministrit, por kjo ishte dhe në ligjin e parë. Standardi nuk është prekur, në mënyrë kategorike. Vettingu është një proces që nuk mbaron kurrë. Ja e kaluan sot vettingun, por ditën e nesërme ai polic vijon sërish të jetë në punë dhe në monitorim. Por dhe ata që do jenë të rinj në Polici do t’i nënshtrohen Vettingut. Thuhet se janë kundër SHÇBA-s, por kjo është përtej absurdit, megjithë respektin që kam për punonjësit presidencës, pasi kjo është një paragjykim. Nuk mund të paragjykohet as nga Presidenti dhe as nga askush një strukturë kushtetuese si minsitria e brendshme. Është e papranueshme, është një paranojë të paragjykosh ministrinë e Brendshme”, tha ai.
