Pas helmimit të 100 personave në Bulqizë ka reaguar pas 3 ditësh Instituti i Shëndetit Publik ku është deklaruar se helmimi mund të jetë shkaktuar nga uji.
Përfaqësuesja e Institutit të Shëndetit Publik, Rovena Daja deklaroi se banorët e Bulqizës janë udhëzuar të mos pinë ujë nga çezmat dhe që nga ky moment numri i të prekurve është ulur. Ajo theksoi se epidemia mund të jetë shkaktuar nga uji i pijshëm.
“Ne për momentin kemi udhëzuar që uji të mos konsumohet dhe realisht që nga ky moment numri i rasteve është ulur shumë. Lagjja që është prekur konsumon kryesisht ujin e rrjetit dhe ky fakt na bën të mendojmë se ky mund të jetë shkaktar i helmimit. Epidemia mund të jetë shkaktuar nga uji. Të gjitha rastet e helmimeve kanë qenë të lehta Kemi udhëzuar të mos pihet ujë këto ditë ”, u shpreh ajo.
