Rilindasit janë të vendosur që të zhvillojnë zgjedhje fasadë në 30 Qershor, pa opozitën zyrtare, e cila ka deklaruar se nuk do të pranojë të futet në zgjedhje.
Për ta bërë fakt që në 30 qershor do të ketë zgjedhje, Rilindasit kanë prezantuar edhe kandidatët e tyre në çdo bashki, ku në Tiranë do të rikandidojnë Erjon Velinë.
Por Veliaj mesa duket nuk do të jetë i vetëm në këto zgjedhje, pasi deri tani në garë janë regjistruar Koço Kokëdhima i ‘Zgjidhja’, ndërkohë që edhe ‘Konservatorët’ e Kujtim Gjuzit do të garojnë me kandidatin e tyre.
Por gjatë ditës së sotme ka shpallur kandidaturën edhe kreu i LDE, Arjan Galdini. Për tu regjistruar si kandidat zyrtar për kreun e Bashkisë së Tiranës, Galdinit i duhet të mbledhë firmat e qytetarëve të cilat më pas duhet t;i depozitojë në KQZ.
Prandaj për ta bërë më të lehtë kandidimin e tij dhe regjistrimin në zgjedhje, Galdimi ka kërkuar edhe mbështetjen e ;’Bindjes Demokratike’ të Astrit Patozit.
Ja postimi i Galdinit:
Ftoj të gjitha ato parti politike dhe Koalicione Opozitare të djathta pjesëmarrëse në zgjedhjet lokale, që ende nuk kanë kandidat për Bashkinë e Tiranës, të më mbështesin mua në sfidën time për tu përballur me Lal Çerin si Kandidati Opozitar i Djathtë për Kryetar Bashkie në Tiranë.
Ndërkohë ne si LDE po punojmë fort për mbledhjen e firmave.
Por janë jashtëzakonisht shumë firma dhe kemi shumë pak ditë në dispozicion.
Jam e jemi të hapur për bashkëpunim me këdo që do të konkurojë me një platformë opozitare të djathtë përballë Lal Çerit.
Gjithçka dua është lehtësimi dhe bashkimi i të djathtëve në këtë betejë e sfidë për tua rikthyer Tiranën qytetarëve të saj.
I bëj thirrje Bindjes Demokratike dhe Koalicionit “Shpresa për Ndryshim”, që të më mbështesin si Kandiatin Opozitar të Djathtë për Kryetar Bashkie në Tiranë.
Jam i hapur për bashkëpunim që ta kemi mundësinë e kësaj gare në Tiranë.
Delalifikimi është mision madhor për të djathtën.
Jam gati dhe i përgatitur plotësisht që të bëjmë një sfidë fituese në Tiranë.
Ju faleminderit shumë.
Shpresoj e besoj shumë tek Bashkimi i së Djathtës.
E djathta është Shumicë e mund ta fitojë Tiranën.
