Vendosmëria e qeverisë për të shkuar në zgjedhjet për pushtetin vendor pa pjesëmarrjen e opozitës në këtë proçes duket se po konkretizohet çdo ditë e më shumë. Pas bërjes publike të listave për kandidatët potencial në disa nga bashkitë kryesore në vend, ku konfirmimin zyrtar deri më tani e kanë marrë Erion Veliaj në Tiranë, Pjerin Ndreu në Lezhë, Armando Subashi në Fier, Dritan Leli në Vlorë etj. duke plotësuar me kandidatë 60 bashkitë në vend e vetmja për të cilën ende nuk ishte marrë dakordësia nga strukturat drejtuese të Partisë Socialiste ishte ajo e Dibrës.
Burime të sigurta për Fax News brenda Partisë Socialiste, kanë konfirmuar se në tavolinën e Kryeministrit Edi Rama janë 3 emra potencial, për të marrë drejtimin Bashkisë Dibër.
Po sipas të njëjtave burime, kandidatët potencialë janë.
1-Deputetja aktuale e PS-së Almira Xhembulla.
2-Drejtori i Drejtorisë Rajonale Tatimore Tiranë Dionis Imeraj
3-Drejtori i Sigurimeve Shoqerore në Dibër Spartak Koltraka
Mirëpo, çfarë postesh kanë mbajtur më parë kandidatët potencial për Bashkinë e Dibrës?
Deputetja Almira Xhembulla njihet si një aktiviste e Partisë Socialiste, dhe që nga viti 2017 ajo u kandidua për postin e deputetit nën siglën e PS dhe aktualisht është antare e grupit parlamentar i kësaj force politike për qarkun e Dibrës, duke gëzuar besimin e votuesve të saj
Dionis Imeraj njihet si një aktivist i Partisë Socialiste, aktualisht mban postin e drejtorit të Drejtorisë Rajonale Tatimore Tiranë
Spartak Koltraka është aktualisht drejtor i Sigurimeve Shoqerore në qarkun e Dibrës. Më herët ka mbajtur postin e drejtorit të Spitalit Rajonal të këtij qyteti, dhe gëzon besueshmërinë e qytetarëve në të gjitha postet drejtuese ku ka shërbyer.
Konfirmimin e emrit zyrtar të kandidatit për Bashkinë e Dibrës, pritet ta konfirmojë vetë kryeministri Edi Rama gjatë ditëve në vijim./faxweb.al
