Pas fitores së Tiranës ndaj Skënderbeut, e cila u shoqërua edhe me momente tensioni në tribunën VIP, ishte vetë presidenti i bardhebluve, Refik Halili, që foli për mediat, duke sqaruar të gjithë situatën.
“Për pozicionin ku jemi në tabelë, kuptohet që edhe tensioni është i madh. Momentet e fundit të ndeshjes, ne patëm një gëzim, dhe më pas pati thjesht diçka të vogël. Nuk duhet bërë kaq shumë alarmate sa u bë situata aty mes nesh. Kemi kaluar një situatë të vështirë në kampionat, por shpresoj të vazhdojmë kështu deri në fund” – deklaroi Halili.
Ndërkohë, i ngacmuar në lidhje me golin e Laçit në minutat e fundit, që barazoi me Kastriotin, presidenti i Tiranës u shpreh: “Të them të vërtetën, mua më thanë se Laçi ishte në disavantazh me Kastriotin, dhe ne nuk kishim shënuar akoma. Unë jam një njeri i qetë, dhe rezultatin nuk e bëj unë, si të dua. Fat ishte edhe për ne. Mbetëm me 10 lojtarë, dhe mendoj se rezultati na nderoi. Dua ta mbyllim me sukses këtë kampionat të vështirë.”
